زۆر سوپاس و پێزانین بۆ سەرۆکی هەرێمی کوردستان و خەمخۆری ئاشتی و پێکەوەژیان ڕێزدار Nechirvan Barzani / نێچیرڤان بارزانی
5/18/20261 خولەک خوێندن
زۆر سوپاس و پێزانین بۆ سەرۆکی هەرێمی کوردستان
و خەمخۆری ئاشتی و پێکەوەژیان ڕێزدار Nechirvan Barzani / نێچیرڤان بارزانی
و هەموو ئەو هاوکاران و خەمخۆرانەی کە بە دڵسۆزی و متمانە
وە پاڵپشتی و هاوکارییان کرد بۆ گەیاندنی ئەم شاکارە کوردییە
بە ئاستی جیهان.
ئەم سەرکەوتنە تەنها سەرکەوتنی کارێکی هونەری نییە
بەڵکو سەرکەوتنی کەلتور، پێکەوەژیان و ئاشتییە
ئەو پەیامە جوانەی کە کوردستان بە زمانی هوونەر بۆ جیهان دەنێرێت.
بە هۆی هاوکاری و باوەڕی ئەو کەسانە،
ئەم کارە بوو بە دەنگی کەلتورێک کە سنوورەکان دەبەزێنێت
و ناوی کوردستان بە ڕەنگی ئاشتی و جوانی دەنووسێتەوە لە دڵی مۆزەخانە جیهانییەکاندا.
سوپاس بۆ هەموو ئەوانەی کە باوەڕیان بە هێزی هوونەر هەبوو
چونکە بە یەکگرتوویی و خۆشەویستی
خەونێکی کوردییان کرد بە شانازییەکی جیهانی
کاتێک کەلتوری نەتەوەکەت لەگەڵ هوونەری خانمێکی کورد
یەک دەگرێت
ئەوکات تەنها تابلۆیەک لەسەر دیوار هەڵنەواسراوە
بەڵکو ڕووحی نەتەوەیەک دەچێتە ناو مۆزەخانەکانی جیهان.
هەر ڕەنگێک کە لەسەر تابلۆ دەدرەوشێتەوە،
چیرۆکی خاکێک دەگێڕێتەوە کە پڕە لە شانازی، خەم، خەبات و هیوا.
هەر هێڵێک کە بە دەستی ئەو هوونەرمەندە دەکێشرێت،
وشەیەکی بێدەنگە کە بە زمانی هوونەر قسە لەگەڵ جیهان دەکات.
خانمی کورد، تەنها هونەرمەند نییە
بەڵکو ئاوێنەی کەلتور و ناسنامەی گەلەکەیەتی.
لە پشت هەر تابلۆیەکدا،
هەناسەی دایکێک هەیە،
ئاواتی منداڵێک هەیە،
و مێژووی نەتەوەیەک هەیە کە هەرگیز نەشکاوە.
کاتێک ئەو کارە هونەرییانە دەگەنە مۆزەخانە گەورەکانی جیهان،
جیهان تەنها سەیری جوانی ڕەنگەکان ناکات،
بەڵکو سەیری دڵێک دەکات کە بە ئیرادە و خۆشەویستی بۆ نیشتمان دەدرەوشێتەوە.
ئەو کاتە، ناوی کوردستان تەنها لە نەخشەدا نابینرێت،
بەڵکو لە دڵی هوونەر و کەلتوری جیهاندا جێگە دەگرێت
مۆزەخانەکان تەنها شوێنی پاراستنی تابلۆ نیین
ئەوان شوێنی پاراستنی ڕۆحی مرۆڤایەتین
و کاتێک تابلۆی خانمێکی کورد لەوێ هەڵدەواسێت
ئەوە مانای ئەوەیە کە ڕۆحی کوردستان گەیشتووە بە گوێی جیهان.
ئەمە سەرکەوتنی تاکێک نییە
سەرکەوتنی ژنێک نییەبە تەنها
بەڵکو سەرکەوتنی کەلتور و مێژووی نەتەوەیەکە
کە بە ڕەنگ، بە هوونەر، و بە ئاشتی و پێکەوەژیان ناوی خۆی لەسەر دیوارەکانی جیهان دەنوسێتەوە بۆمێژوو.
شاناز جمال
18/05/2026
