گرنگیا فەلسەفێ وهزرا نەتەوایەتی بۆ گەلێ کورد

گرنگیا فەلسەفێ وهزرا نەتەوایەتی بۆ گەلێ کورد:

فەلسەفە دبیتە بنەڕەت بۆ پێکهاتەیا هزر و تێگەهاندنا ئەوا دهێتە ئاراستەکرن بۆ کۆمەڵ و گەلان بەرەف ئارمانجەکا هەفپشک، د چەندایەتییا فەلسەفێ دا فەلسەفە پشکداریێ د پتەبوونا هشمەندییا زاتی و هەست ب ژێیاتی وناسنامەیێ دکەت دناف تاکێن هەرگەلەکی داو هەروەسا بۆ دیارکرنا ڕەوشەنبیری و مێژوو و زمان و فۆلکلۆر و گەلان دکەت. گەلک یا گرنگە فەیلەسوف و هزرمەند کاربکەت د بیاڤێ بەڵاڤەبوون و چاندنا هزرا نەتەوایەتی ب تایبەت بۆ وان گەلان ئەوێن تووشی زۆڵم و پشتگۆھهاڤێتنێ بووین وەک گەلێ کورد. حسن شێخو سەروکێ بزاڤا کوردایەتی دبێژیت ئەم دشێین بنێرینە دوو سەڕبۆڕا کۆ فەیلەسوف و هزرمەندێن وان کارکرینە بۆ هزرا نەتەوەیی و گرنگیا فەلسەفێ ب سەرکەفتیانە نەتەوایەتییا خوە پێشئێخستینە ژ وان ژی : سەڕبورا ئەوڕوپی: ل ئەوڕوپا بزاڤێن نەتەوەیی ڕۆلەکێ میحوەری هەبوو د پێکهاتنا دەولەتێن نەتەوەیی و چەرخێ هەژدێ و نۆزدێ دا فەیلەسوفێن وەک جوهان غوتفرید هیردل و جان جاک ڕوسۆ کۆ تێگەهێن ل دۆر گەلی و سەروەریا گەلی ونازنامەیا نەتەوایەتی گۆهاڕت ئەوا هاریکاریێ دکەت د پتەوکرن و یەکبوون و خۆڕاگریێ دناڤبەرا تاکێن ئەوڕوپی دا ئەڤان هزران دووبارە د دیارکرن و ڕێزگرتنا زمانی وداب و نەریتێن گەلێن وان کرد کۆ پشکداری د بهێزکرنا هەستێ نازنامەیا نەتەوەیی دا کرد.سەڕبورا ئیسڕائیلی: ئیسڕائیل نموونەکە ل سەر چەندایەتییا بکارئینانا هزر و فەلسەفێ د پتەوکرنا نەتەوایەتیێ دا ژ دەستپێکا بزاڤا صەهیۆنیەتێ فۆکیۆسا خوە دانا ل سەر دوبارە ئاڤاکرنا نازنامەیا یەهودی و زمانێ عیبەری و مێژوویا یەهودی وەک بنیاتەک بۆ دانانا دەولەتەکا نەتەوەیی کۆ هزرمەندێن وەک ثیودور هرتزل أحاد همام هزرێن فەلسەفی پێشئێخستن ئەوێن هاریکاریا یەکبوون ۆ یەکگرتنا یەهودیا کرین د سەرانسەری جیهانێ ل سەر دۆزا صەهیۆنیەتێ.

ژلایێ/ هلات مزوری

10.11.2025